Þorvaldur Logason

Vísindalegar fullyrðingar byggja á ákveðnum forsendum sem oft eru duldar eða óljósar og oftar en ekki sleppt þegar niðurstöður eru endurteknar í sífellu í fjölmiðlum. Skilningur vísindamannanna (á niðurstöðum rannsóknanna) og fullyrðingar byggja á forsendunum og takmörkunum þeirra, en niðurstöðurnar fela ekki forsendurnar í sér.

Rof merkingar þegar vísindaniðurstöður eru einfaldaðar til kynningar fyrir almenning.

Einfölduð merking hefur áhrif á vísindamanninn og skilning vísindasamfélagsins og þjóðfélagsins alls (sérstaklega bagalegt þegar rannsókn er byggð á könnunum)

Afleiðingar:
1. Forsendugleymska vísindasamfélagsins og samfélagsins
2. Merkingarof. Almenningur setur listann í sitt eigið samhengi út frá sínum eigin forsendum.

Skilgreining fyrirbærisins sem rannsaka á er auðvitað frumforsenda niðurstöðunnar og sú sértekning sem vísindamenn beita iðullega til að takmarka rannsóknina og 'búa til' fyrirbærið. Frumskilgreining TI virðist víðfeðm og geta fangað nær alla spillingu, en oft er langur vegur milli þess sem er raunverulega rannsakað (mælt) og þess fyrirbæris sem er skilgreint. Fyrirbærið sem TI rannsakar er allt annað en það sem almenningur hefur í huga. Almenningur í hverju ríki hefur í huga þá tegund spillingar sem er algengust og hefur mest áhrif á líf hans. Á Íslandi er það stórpólitísk spilling, en í Nígeríu er það ef til vill smátæk spilling. Þegar Ísland er sagt lítið spillt túlkar almenningur það sem fullyrðingu um að stórtæk pólitísk spilling sé lítil.

Endurhverf skoðanamyndun. Þegar topp tíu listinn slær í gegn, öðlast hann trúverðugleika. Hann er túlkaður af almenningi og fjölmiðlafólki eftir hinum almenna skilningi og það hefur áhrif á alla, líka vísindamennina - sem aftur hefur áhrif á fræði rannsóknarinnar sjálfrar (gagnrýnisleysi, skortur á íhugun og endurmati forsendna: forsendugleymska) og á skoðanir þeirra sem spurðir eru um spillingu

Sjá: Fyrirbærið sem TI rannsakar (mælir)
Fyrirbærið sem TI raunverulega rannsakar er sértekning spillingar sem setur til hliðar stórpólitíska spillingu, hugmyndafræði, samfélagsbyggingu (þ.e. greinarmunur milli vestrænna ríkja) og spillingu milli þjóðríka og hefur óljósa hugmynd um spillingu í viðskiptum viðsktipalífsins við almenning
Það sem er rannsakað er rannsakað í ljósi hagsmuna alþjóðaauðvalds: Lána og fjárfestingaráhætta sökum spillingar og kostnaður vegna spillingar í einstaka viðskiptum við landið. (líka vegna þess að um hentugleikaúrtak er að ræða að hluta til, peningasjónarhornið er sérstaklega tilgreint, mælingarvandinn...)