Þorvaldur Logason

Heimssýn sem afneitar trú og frumspeki og viðurkennir einungis þá þekkingu sem er í takt við nútíma vísindi. Öll þekking skv. p er byggð á skynjun (sense-experience). Um aðra þekkingu er ekki að ræða. Öll raunveruleg þekkingarleit beinist að lýsingum (descriptions) og skýringum á afmörkuðum empírískum fyrirbærum eða 'staðreyndum' (þ.e. staðreyndum sem menn öðlast þekkingu á í gegnum skynjun) og að því að finna þau orsakalögmál sem lýsa því hvernig fyrirbærin hegða sér. Enginn grundvallarmunur er á aðferð félagsvísinda og náttúruvísinda (sjá "positivism dispute" m.a. milli Popper og Habermaas, Adorno og einnig "science wars").

Rökfræðileg raunhyggja (logical positivism, frægasta útgáfa pósitívisma á 20.öld)
Hreyfing náttúruvísindamanna og heimspekinga sem átti sitt sterkasta vígi í Vín og var kallaður Vínarhringurinn.

(Ath. ofangreint er skilgreining á pósitífisma einsog hún er almennt í nútímanum. Póstífisminn er þá nátengdur empírisma (raunhyggju) og vísindahyggju (scientism). Upphafsmaðurinn Auguste Comte gagnrýndi empírisma fyrir að vera innantóm söfnun upplýsinga og vísindahyggju fyrir oftrú á vísindi, of mikla sérhæfingu og fyrir að vera ekki umhugað um félagslega velferð. C. aðhylltist ekki trú á gildislaus vísindi, hann viðurkenndi óbeina skynjun fyrirbæra (í gegnum mælitæki t.d.) og hann taldi nauðsynlegt að setja fyrirfram fram kenningar áður en fyrirbæri eru rannsökuð.)